"Барселона" муҳим футболчиси билан шартномани узайтирди

"Барселона" Рафинья билан тузилган амалдаги шартномани узайтирди. Бу ҳақда клуб матбуот хизмати маълум қилди.

Унга кўра, футболчининг янгилиланган битими 2028 йилнинг ёзигача амал қилади. Аввалроқ, каталонияликлар жамоа бош мураббийи Ҳанси Флик билан ҳам 2027 йилгача ҳамкорлик қилиши борасида келишиб олган эди.

Маълумот учун, "кўк-анорранглилар" футболчини 2022 йили "Лидс"дан 58 миллион евро эвазига сотиб олган эди. Ҳужумчи жорий мавсумда Ла Лиганинг 35 та баҳсида майдонга тушиб, рақиб дарвозасига 18 та гол урди ва шерикларига 11 та голли узатма амалга оширди.