"Барселона" Ндомбеле эвазига "Тоттенхэм"га Коутиньо ва Семедуни бермоқчи

"Барселона" клуби "Тоттенхэм" ярим ҳимоячиси Танги Ндомбеле учун курашни давом эттирмоқда.

Independent нашри тарқатган хабарга қараганда, каталонияликлар Ндомбеле эвазига ўзларининг икки нафар футболчиси – Нелсон Семеду ва Филиппе Коутиньони беришга тайёр. Қолаверса, 23 ёшли футболчининг ўзи ҳам “шпорлар” сафидан кетишга тайёр. Унинг бош мураббий Жозе Моуриньо билан муносабатлари яхши эмаслиги айтилмоқда.

Ндомбеле “Тоттенхэм” сафида 2019 йилдан буён тўп суриб келмоқда. У жорий мавсум 27 та ўйинда майдонга тушди ва 2 та гол ҳамда 4 та голли узатмага муаллифлик қилди.