"Барселона" Неймарга рад жавобини берди

Неймар ёзги трансферлар ойнасида "Барселона"га қайтишни хоҳлади.

"Diario Sport" нашри журналист Жерар Ромерога таяниб хабар беришича, август ойида Неймар ўз хизматларини "Барселона"га таклиф қилган. Бироқ каталонияликлар бош мураббийи Ханс-Дитер Флик ҳужумнинг чап қанотини кучайтириш зарурлигига қарамай, бразилияликка рад жавобини берди.

Қайд этилишича, Нико Уильямснинг трансферидаги муваффақиятсизликдан сўнг "Барселона"нинг чап қанот вингери учун асосий танлови Федерико Кьеза бўлиб турибди.