“Барселона” орзусидаги футболчидан воз кечди

Каталония клуби раҳбарияти аргентиналик ҳужумчи Лаутаро Мартинес трансфери бўйича “Интер” билан музокараларни тўхтатишга қарор қилди.

- Бу галги трансфер бозори бошқача бўлади. Катта клубларнинг молиявий муаммолари бор. Биз трансфер бозорида муҳим роль ўйнашга тайёрмиз. Биз ҳозирча Лаутаро Мартинес бўйича музокараларни тўхтатдик. Вазиятни тўғри баҳолаб олиш учун вақт керак, - деди “Барса” президенти Хосеп Бартомеу.

Таъкидлаш жоизки, “Барселона” Лаутаро учун 7 июлга қадар актив бўлган 111 миллион евролик бадал пулини тўлашни истамади. Шунингдек, каталонияликларнинг Антуан Гризманни аргентиналик ҳужумчига алмаштириш таклифи ҳам амалга ошмади