Ads

Каталониянинг “Барселона” клуби “Реал Сосьедад” ҳимоячиси Иньиго Мартинесни қўшиб олмоқчи. Маълумотларга кўра “кўк-анор ранглилар” 26 ёшли футболчи учун 32 млн евродан воз кечишга тайёр.

Таъкидлаш керакки, Мартинеснинг амалдаги жамоаси билан 2021 йилга қадар шартномаси бўлганига қарамай, у жорий ёзги трансферлар давридаёқ “Барселона”га кўчиб ўтиши мумкин.

Маълумот учун, Мартинес ўтган мавсум Испания чемпионатида жами 34та учрашувда майдонга тушиб, ўз ҳисобига 3та гол ҳамда 2та голли узатма ёздириб қўйишга эришган.

Эслатиб ўтиш лозимки, Мартинес “Реал Сосьедад” академияси тарбияланувчиси ҳисобланади. У асосий жамоада 2009 йил ўзининг дебют учрашувини ўтказган.