"Барселона" клуби ҳамон "Байер" ярим ҳимоячиси Каю Хаверцни ўз сафига қўшиб олиш фикридан қайтмаяпти.

ESPN нашри тарқатган хабарга кўра “кўк-анор ранглилар” раҳбарияти эртага ЕЧЛ гуруҳ босқич 4-туридан ўрин олган “Байер” ва “Атлетико” учрашувига ўз скаутларини юборишади. Улар эса ўз навбатида 20 ёшли германиялик футболчининг ҳаракатларини кузатишади.

Эслатиб ўтамиз, бундан аввалроқ Хаверцга "Реал", "Бавария" ва "Ливерпуль" каби жамоалардан ҳам қизиқишлар борлиги ҳақида хабарлар тарқалган эди.

Маълумот учун, Хаверц “Байер” тарбияланувчиси ҳисобланади. У жорий мавсум 14 та ўйинда майдонга тушди ва ўз ҳисобига 3 та гол ҳамда 1 та голли узатма ёздириб қўйишга эришди. Унинг “доришунослар” билан амалдаги шартномаси 2022 йилга қадар имзоланган.