"Barselona" o‘z tarbiyalanuvchisiga yangi shartnoma taklif qiladi

"Barselona" yarim himoyachi Mark Bernal yangi shartnoma imzolaydi. Diaro Sport nashrining xabar berishicha, bu shu hafta ichida sodir bo‘ladi.

Yarim himoyachining amaldagi shartnomasi 2026 yilgacha mo‘ljallangan va muayyan shartlar bajarilsa, uni yana uch yilga uzaytirish imkoniyati ham bor. "Blaugrana" endi shartnomani 2029 yilgacha uzaytirishga qaror qildi. Bosh murabbiy Xans-Diter Flik ham, sport direktori Deku ham jarohat tufayli salkam bir yil maydonga tusha olmaydigan 17 yoshli yarim himoyachiga to‘liq ishonishadi.

Yangi shartnoma bandlari Bernal 18 yoshga to‘lganidan keyin rasmiy kuchga kiradi va naqd 500 million evrolik tovon puli taqdim etiladi.

Eslatib o‘tamiz, yarim himoyachi joriy mavsumda La Liganing uchta o‘yinida ishtirok etishga ulgurgan edi.