"Barselona" Pyanich o‘rniga "Inter" futbolchisini olib kelmoqchi

Milanning “Inter” klubi va Xorvatiya terma jamoasi yarim himoyachisi Marselo Brozovich faoliyatini Ispaniya chempionatida davom ettirishi mumkin. Bu haqda insayder Rudi Galetti tvitterdagi sahifasida ma’lum qildi.

Yuqoridagi manbaga ko‘ra, 28 yoshli futbolchini “Barselona” o‘z safida ko‘rmoqchi. “Ko‘k-anor ranglilar” Brozovichni bosniyalik yarim himoyachi Miralem Pyanichga o‘rinbosar sifatida qaramoqda. Boisi Pyanich yozda “Yuventus”ga qaytishi mumkin.

Marseloning “neradzurrilar” bilan amaldagi shartnomasi 2022 yilning yoziga qadar imzolangan.

Brozovich yakunlangan mavsum Italiya A Seriyasida jami 33 o‘yin o‘tkazdi. U ushbu uchrashuvlarda o‘z hisobiga 2 gol hamda 6 ta golli uzatma yozdirib qo‘ydi.