“Барселона” қизиққан ҳужумчи жарроҳлик амалиётидан ўтиб, узоқ муддатга сафдан чиқди

«Борнмут» ҳужумчиси Эли Жуниор Крупи оёғидан олган жароҳати сабаб жарроҳлик амалиётини бошдан кечирди. The Athletic нашри хабар беришича, у камида уч-тўрт ой майдонга туша олмайди.

20 ёшли француз футболчи жамоанинг Австриядаги мавсумолди йиғинлари пайтида жароҳат олган. Шундан сўнг у Англияга қайтарилди ва чоршанба куни унга операция қилинди.

Крупининг йўқотилиши «Борнмут» учун жиддий зарба бўлди. Ўтган мавсумда у жамоанинг Англия премьер-лигасидаги энг самарали ўйинчисига айланиб, 33 учрашувда 13 та гол урди. Ушбу голларнинг бештаси чемпионатнинг сўнгги саккиз турида қайд этилган. Мазкур натижалар орқали клуб мусобақани олтинчи ўринда якунлаб, Европа лигаси йўлланмасини қўлга киритган эди.

Крупининг ўйинидаги бундай юксак самарадорлик «Арсенал» ва «Барселона» клублари скаутларининг эътиборини тортди. Шунга қарамай, «Борнмут» ҳужумчисини сотиш масаласини кўтаришга шошилмаяпти.