"Барселона" президенти Жозеп Бартомеу жамоа бош мураббийи Кике Сетьенни истеъфога чиқаришга шошилмаяпти.

RAC1 нашри маълумотига кўра, амалдор якшанба оқшомида "Барселона" юқори бошқарув вакиллари Эрик Абидаль, Оскар Грау, Хавьер Бордас ва Кике Сетьен иштирокида шошилинч йиғилиш ўтказган.

Таъкидланишича, Бартомеу суҳбат чоғида Сетьенни қўллаб-қувватлаб, у билан клубдаги ички можароларни муҳокама қилган. Якунда томонлар яхши кайфият билан йиғилишни тарк этган.

Манба Бартомеунинг бу қарорига бир йилдан кейин бўлиб ўтадиган президентлик сайлови сабаб бўлганлигини хабар қилмоқда.

Олдинроқ, Сетьен "Барселона"ни тарк этиши ва мавсум сўнггигача жамоа бошқарувига клуб академияси бош мураббийи Хавьер Гарсия келиши хабар қилинган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар