«Барселона» расмий сайтида Роберт Левандовскини клуб афсоналари сафига қўшди

«Барселона» ўзининг расмий сайтидаги клуб афсоналари бўлимига собиқ ҳужумчиси, ҳозирда МЛСда «Чикаго Файр» шарафини ҳимоя қилаётган Роберт Левандовскини ҳам қўшди.

Шу тариқа, Левандовски каталонияликлар тарихида чуқур из қолдирган футболчилар рўйхатига киритилди. Ушбу бўлимда шунингдек Лионель Месси, Хосеп Гвардиола, Диего Марадона, Йохан Круифф каби «Барселона» ва жаҳон футболида ном қолдирган бошқа юлдузлар ҳам жой олган.

Левандовски «Барселона» таркибида 2022 йил ёзидан бошлаб тўп сурган. У жамоа сафида барча мусобақалар доирасида жами 193 ўйин ўтказиб, 120 та гол урган ва 24 марта голли узатма амалга оширган. Каталония клуби билан бирга поляк ҳужумчи уч бор Испания чемпиони бўлган, мамлакат Кубогини қўлга киритган ва уч марта миллий Суперкубокни ютиб олган.