“Барселона” Санчога оғир талаб қўйди

“Манчестер Юнайтед” ҳужумкор футболчиси Жейдон Санчо фаолияти давомидаги энг муҳим қарорга келиши керак.

Футболчи бош мураббий Эрик тен Хагдан узр сўрамагани учун жамоадан четлатилган ва нидерландиялик мутахассис уни ўз жамоасида ўйнатмоқчи эмас.

Ҳозирча, Жейдон Санчога фақат “Барселона”дан жиддий таклиф бўлмоқда. Каталонияликлар 23 ёшли ўйинчини январда ижарага олишга тайёр.

Агар Санчо “Барселона”да ўйнамоқчи бўлса, маошининг сезиларли даражада қисқартирилишига рози бўлиши талаб этилмоқда.

Transfermarkt портали икки йил муқаддам энг қимматбаҳо ўйинчилар қаторида турган Жейдон Санчони энди 32 миллион еврога баҳоламоқда.