“Барселона” клубининг универсал ярим ҳимоячиси Сержи Роберто яна бир инглиз клубининг қизиқишлар доирасига кириб қолди.

El Mundo Deportivo нашри тарқатган хабарга кўра “Манчестер Сити” ва “Челси” клубларидан сўнг “Манчестер Юнайтед” ҳам 25 ёшли испаниялик футболчини ўз сафига қўшиб олиш истагини билдирган.

Унга кўра “қизил иблислар” Роберто учун каталонияликларга 40 млн евро таклиф қилишган, аммо дарҳол рад жавобини олишган.

Эслатиб ўтамиз, “Барселона” бундан аввалроқ футболчисини 35 млн еврога “Манчестер Сити”га сотишни истамаган эди.