“Барселона” шу футболчиларни олмаса бўлмайди

“Барселона” бир неча йиллардан бери молиявий қийинчиликларга дуч келаётгани боис, трансферлар бозорида ўзлари истаган ўйинчиларни олиши осон бўлмаяпти. Бироқ бу гал вазият ижобий томонган ўзгарганини клуб президенти Жоан Лапорта ҳам айтди.

Трансфер бўйича экспертлар каталонияликларга таркибни уч футболчи билан кучайтиришни маслаҳат беряпти.

Нико Уильямс

Ашаддий рақиб – “Реал” Килиан Мбаппени қўлга киритди. Мухлислар “Барса”дан жавоб юришини кутяпти. Каталонияликлар Европа чемпионати қаҳрамонларидан ҳисобланган Нико Уильямсни нишонга олди. Бироқ бу трансферни амалга ошириш осон бўлмайди. ПСЖ Уильямс ва “Атлетик”ни катта маблағ эвазига ҳамкорликка чақиряпти.

Даниэль  Ольмо

“Евро-2024” майдонларида порлаган Даниэль Ольмонинг ҳам харидорлари кўпайиб кетди. Каталонияликлар шошилинч тарзда “Лейпциг”га биринчи таклифни бериб, дарҳол рад жавобини ҳам эшитди.

Бироқ, Ольмо ўзини тарбиялаган “Барселона”га қайтмоқчи. Каталонияликлар бу футболчи учун Илкай Гюндоғандан воз кечишга тайёр.

Мартин Субименди

“Барселона” майдон марказини узоқ йиллар давомида ушлаб келган ва 2023 йили жамоани тарк этган Серхио Бускетснинг ўрнини тўлдириши шарт. Бу позицияга Мартин Субименди жуда мос тушиши айтилмоқда.

Аслида каталонияликлар “Реал Сосьедад” вакилини анчадан бери олишни режалаштириб келади. Бироқ ҳар қандай яхши ўйинчининг харидор кўп.