"Барселона" собиқ футболчиси: "Мессини видеоўйинларда эмас, хаётда илк бор кўрганим ёдимдан кўтарилмайди"

АҚШ миллий терма жамоаси ва Нидерландиянинг ПСВ клуби футболчиси Сержиньо Дест Лионель Месси билан кечган "Барселона"даги давр ҳақидаги таассуротлари билан ўртоқлашди. 

- Каталония суперклубидаги даврингизда қайси футболчи сизда катта таассурот қолдирган? 

- Месси албатта. Сиз бу афсонани шу кунгача фақат You Tube ва видеоўйинларда кўргансиз. Вақт ўтиб эса, у сизнинг олдингизда турибди. Биринчи йили кийиниш хонасида жуда яхши муҳит ҳукмрон эди. Аргентиналик юлдуз кўп ҳазил қиларди. Афсуски, кейинчалик ҳаммаси ўзгарди ва биз ўша қизиқарли ҳис-туйғуларни бироз йўқотдик.