“Барселона” супер трансферни эълон қилади

Рональд Куман “Барселона” раҳбариятини ўзи истаган ҳужумчини олиб келишга кўндирди. Нидерландия терма жамоаси ҳужумчиси Мемфис Депай  тез орада каталонияликлар билан шартнома имзолайди ва трансфер расман эълон қилинади.

Депайнинг ҳозирги жамоаси “Лион” билан шартномаси келаси йили якунланиши боис унинг трансферини амалга ошириш каталонияликлардан ўта катта харажатни талаб қилмайди. Ҳозирча, унинг нархи 40 миллион евро атрофида баҳоланмоқда.

Депай Франция чемпионатининг янги мавсумини хет-трик билан бошлади. Ҳужумчи айни пайтда Миллатлар лигаси турниридан қатнашиш учун Нидерландия терма жамоаси қароргоҳида бўлиб турибди.