«Барселона» учун янги ҳужумчи бўйича Фликнинг позицияси маълум қилинди

«Барселона» бош мураббийи Ханси Флик жамоага янги ҳужумчи олиш масаласида ўз позициясини аниқ белгилаб олди.

Журналист Жерар Ромеронинг маълум қилишича, Флик каталонияликлар таркибида фақат Хулиан Альваресни кўришни истаяпти. Унга бошқа ҳужумчилар керак эмас. Ҳатто «Атлетико» билан ҳужумчи бўйича келишув амалга ошмай қолса ҳам, Флик бошқа номзодларни қидириш ниятида эмас.

Аввалроқ тарқалган хабарларга кўра, «Атлетико» раҳбарияти принципиал равишда Альваресни «Барселона»га қўйиб юборишни истамаяпти. Мадрид клуби тўғридан-тўғри рақибини кучайтиришга рози эмас.