"Барселона" устози "Реал"га қарши ўйиндан олдин нима деди?

"Барселона" клуби бош мураббийи Рональд Куман Ла Лиганинг 30-туридан ўрин олган "Реал"га қарши бўладиган навбатдаги “эл-класико” олдидан ўз фикрларини билдириб ўтди.

“Биз чиройли ва ҳаяжонли мавсум финалига тайёрмиз. Олдинда “эл-класико”, - деб ёзди голландиялик мутахассис твиттердаги саҳифасида.

29 турдан сўнг Ла Лига мусобақа жадвалида 65 очко жамғарган “Барселона” 2-ўринда, 63 очко жамғарган “Реал” 3-ўринда бормоқда. Ушбу жамоалар ўртасидаги бўлажак “эл-класико” 10 апрель куни Мадриддаги “Альфредо ди Стефано” номли стадионда бўлиб ўтади. Ўйин Тошкент вақти билан соат 00:00 да бошланади.

“Барселона” ва “Реал” жамоалари ўртасидаги дастлабки даврада “Камп Ноу”да бўлиб ўтган ўйин 1:3 ҳисобида “қироллик клуби”нинг ғалабаси билан якунланган эди. Ўша беллашувда “Реал” сафида голларни Вальверде, Рамос ва Модрич киритган эди. “Барса”нинг ягона жавоб голига Ансу Фати муаллифлик қилган.