"Барселона" Холанд ва Левандовскидан кўп гол ураётган ҳужумчини сотиб олмоқчи

"Барселона" "Спортинг"нинг 26 ёшли ҳужумчиси Виктор Дьёкерешни харид қилишга қизиқиш билдирмоқда. Бу ҳақда "A Bola" хабар берди.

Манба маълумотларига кўра, Дьёкерешнинг шартномасида 100 миллион евро эвазига муддатидан олдин уни бекор қилиш ҳақида банд мавжуд. Каталония клуби бу суммани камайтириш мақсадида, "кўк-анорранглилар" 19 ёшли форвард Витор Рокени "Спортинг"га таклиф қилмоқчи.

Маълумот учун, жорий мавсумда Дьёкереш барча турнирларда 16 та ўйинда қатнашиб, 20 та гол ва 4 та голли узатмани амалга оширди. Футболчининг Португалия клуби билан амалдаги шартномаси 2028 йилнинг ёзига қадар мўлжалланган.