"Барселона" Ямал билан келишиб олди

"Барселона" ва Ламин Ямал янги шартнома бўйича ўзаро келишувга эришди. Бу ҳақда "El Chiringuito" канали хабар берди.

Маълумотларга кўра, келишув 6 йилга мўлжалланган. Шартномани бекор қилиш суммаси бир миллиард еврони ташкил этади. Шартнома қанот ҳужумчиси 18 ёшга тўлганда имзоланади. Бу 2025 йил 13 июлда содир бўлади.

Маълумот учун, жорий мавсумда Ямал клуб учун барча мусобақаларда 16 та ўйин ўтказиб, 6 та гол ва 8 та голли узатмага муаллифлик қилди.