"Барселона" яна Неймар мавзусига қайтмоқда

ПСЖ форварди Неймар "Барселона"нинг ёзги трансферлардаги асосий мақсади ҳисобланади.

Mundo Deportivo нашри тарқатган хабарга кўра "кўк-анор ранглилар" раҳбарияти 28 ёшли бразилиялик футболчи учун 180 млн евродан воз кечишга тайёр.

Маълумотларга қараганда Неймарнинг клуб спорт директори Леонардо билан муносабатлари яхши эмас ва шу боис у мавсум якунлангач жамоадан кетиши мумкин.

Эслатиб ўтамиз, Неймар 2017 йил 222 млн евро эвазига ПСЖга айнан "Барселона"дан кўчиб ўтган эди.