"Барселона" яна Погбани сотиб олиш ҳақида ўйлай бошлади
Каталониянинг "Барселона" клуби яна "Манчестер Юнайтед" хавбеки Поль Погбани сотиб олиш ҳақида ўйлай бошлади. Бу ҳақда испан нашрлари хабар тарқатмоқда.
Унга кўра “кўк-анор ранглилар” франциялик жаҳон чемпионини ёзда жамоадан кетиши мумкин бўлган хорватиялик ярим ҳимоячи Иван Ракитичга муносиб ўринбосар сифатида қарашмоқда. Маълумотларга қараганда “Барса” вакиллари аллақачон ушбу трансфер масаласида МЮ билан боғланишган.
Эслатиб ўтамиз, бунгача Погбани қўлга киритмоқчи бўлган жамоалар орасида “Реал” Мадрид фаворит дея эътироф этилаётган эди.
Маълумот учун, 26 ёшли Погба жорий мавсум “Манчестер Юнайтед” сафида 46та ўйинда майдонга тушди ва 11та ассистга муаллифлик қилди.
Фикрлар