"Барселона" янги футболчи сотиб олмайди

"Барселона" раҳбарияти қишки трансферлар ойнасида жамоага янги футболчиларни олиб келмасликка қарор қилди.

"Diario Sport" нашрининг хабар беришича, "Барселона"нинг молиявий муаммолари сабабли, спорт директори Деку ва жамоа бош мураббийи Ханс-Дитер Флик ёш ўйинчилар билан шартномаларни узайтиришга эътибор қаратишни келишиб олган. Маълум қилинишича, ҳозирда узоқ муддатли шартномалар устида фаол иш олиб борилмоқда.

Эслатиб ўтамиз, аввалроқ "Барселона" Араухо ва Мартин билан шартномаларни узайтирган эди. Кейинги футболчилар Гави, Педри ва Ламин Ямал бўлиши кутилмоқда.

Маълумот учун, "Кўк-анорранглилар" Ла Лиганинг 20 туридан сўнг 39 очко тўплаб, учинчи ўринни эгаллаб турибди.