“Барселона” январда нечта трансферни амалга оширади?

“Барселона” раҳбарияти қишки трансферлар вақтида таркибни кучайтириш мақсадида айрим позицияларга янги ижрочиларни олиб келадиган бўлди.

Европа матбуотининг ёзишича, каталонияликларга ўнг қанот ҳимоячиси ва таянч ярим ҳимоячиси керак. Шунингдек, янги ҳужумчи масаласи ҳам долзарб ҳисобланади.

Клуб хўжайинлари ҳужум чизиғига Аргентинанинг “Велес” клубидан ҳужумкор футболчи Жанлука Престианнини олиб келмоқчи.

Ўнг қанот ҳимоясига “Жирона” вакили Арнау Мартинес варианти кўриб чиқиляпти. Каталонияликлар майдон марказини “Тоттенхэм” вакили Жованни Ло Чельсо ёрдамида кучайтирмоқчи.