“Барселона” юлдузи ёзда кетадиган бўлди

“Барселона” шарафини муносиб ҳимоя қилиб келаётган Серхи Роберто ёзда Каталонияни тарк этишга қарор қилди.

29 ёшли универсал ҳимоячининг клуб билан амалдаги шартномаси келаси йили якунланади. “Барселона” раҳбарлари унги ҳамкорликни фақат бир йилга узайтиришни таклиф қилмоқда. Бу узоқ муддатли битим кутаётган Серхини ранжитди.

Серхи Роберта жорий мавсум якунлангунича, клубдан шартнома бўйича янги таклиф кутади. Агар вазият ўзгармаса, футболчи ўз агентларига янги жамоа топиш ҳақида топшириқ беришини билдирди.

Серхи Роберто жорий мавсумда Ла Лигада 11 та учрашувда иштирок этиб, битта гол урди ва иккита голли пас узатди.