“Барселона”да қадри қолмаган Гризманнга янги жамоа топилди

“Манчестер Юнайтед” раҳбарияти ёзги трансферлар вақтида “Барселона”дан Антуан Гризманни сотиб олишни режалаштирмоқда.

29 ёшли франциялик ҳужумчи Каталония клубида ўз ўрнини топа олмаяпти. Унинг жамоага келгани Лионель Мессига маъқул келмаган ва бу Антуанга ёмон таъсир қилмоқда. Қолаверса, клуб президентлигига асосий номзодлардан бўлган Виктор Фонт Гризманн учун 100 миллион евродан ортиқ маблағ сарфлаш нотўғри бўлганини таъкидламоқда.

Бундан ташқари, Гризманн каталонияликлардан йилига 21 миллион евродан зиёдроқ маош олади. Шундай бўлса-да, франциялик ҳужумчи бу харажатларга лойиқ эмаслиги айтилмоқда.

Гризманн атрофида юзага келган нохуш ҳолатдан фойдаланиб қолишга ҳаракат қилаётган манчестерликлар франциялик ҳужумчига янги имкон беришга тайёр.

Матнда хатолик топсангиз, ўша хатони белгилаб, бизга жўнатинг (Ctrl + Enter)