“Барселона”дан кетган футболчи жамоани танқид қилди

“Барселона”дан “Лидс”га кўчиб ўтган Жуниор Фирпо собиқ клубини танқид қилди.

- Мен “Лидс”га яқинда келдим, лекин бу ерда ўрганишга хизмат қиладиган видеоларни кўп томоша қиляпман. “Барселона”да икки йил давомида бундай бўлмаган. Янги жамоамда ҳамма менга ҳамма нарсани пухта тушунтиришяпти, қандай ўйнашим ва нима қилишим кераклигини айтишяпти. Бу жамоада ҳар бир деталга эътибор қаратилар экан, - деди Фирпо.

“Лидс” хўжайинлари истеъдодли футболчи билан 2025 йилнинг ёзигача шартнома имзолади. Унинг трансфери инглизларга 15 миллион еврога тушди.