"Барселона"нинг собиқ футболчиси Шомуродовнинг жамоадошига айланиши мумкин

"Рома" раҳбарияти “Интер”га ўтиши тобора ойдинлашиб бораётган ярим ҳимоячи Генрих Мхитарянга ўринбосар топиш борасида фаол ишлар олиб бормоқда.

La Repubblica нашри тарқатган хабарга қараганда, “бўрилар” бу борада "Удинезе" ярим ҳимоячиси Жерар Деулофеунинг агентига бир неча бор алоқага чиққан. Айнан у арманистонлик хавбекнинг ўрнини эгаллаши мумкин.

28 ёшли испаниялик футболчи якунланган мавсум А Серияда 34 та ўйинда майдонга тушди ва 13 та гол уришга муваффақ бўлди.