"Барселона"нинг собиқ футболчиси вафот этди

Нидерландия терма жамоаси, “Барселона” ва “Аякс” клубларининг собиқ ярим ҳимоячиси Йохан Нескенс 74 ёшида вафот этди. Бу ҳақда Нидерландия Қироллик футбол ассоциацияси (KNVB) матбуот хизмати хабар берди. Манбага кўра, собиқ футболчм 6 октябрь, якшанба куни Жазоирда вафот этган.

Маълумот учун, Нескенс Нидерландия миллий терма жамоаси сафида 49 та ўйин ўтказиб, 17 та гол урган. 1974 ва 1978 йиллардаги жаҳон чемпионатларининг финал босқичида қатнашган. Нескенс Германияга (1:2) қарши бўлиб ўтган 1974 йилги жаҳон чемпионати финалида Нидерландия терма жамоасининг ягона голига муаллифлик қилган.

Футболчилик фаолиятини якунлагач, собиқ ярим ҳимоячи Нидерландия ва Австралия терма жамоалари, шунингдек “Барселона”да мураббий бўлган.