Мексика терма жамоаси бош мураббийи Херардо Мартино ФИФАнинг йилнинг энг яхши футболчисини аниқлаш бўйича ўтказган сўровномасида "Барселона" клуби ва Аргентина терма жамоасидаги собиқ шогирди Лионель Мессига нега овоз бермаганини айтди.

"Месси кучлилар орасида бўлишга муносиб мавсум ўтказмади", - дейди Мартино.

Эслатиб ўтамиз, Месси овоз бериш якунларига кўра 46 очко тўплаб, энг яхши футболчи номига сазовор бўлди. Ундан кейинги ўринларни эса "Ливерпуль" ҳимоячиси Виржил ван Дейк (38) ҳамда "Ювентус" форварди Криштиану Роналду (36) эгаллади.