“Barselona”ning transferi barbod bo‘lyapti

“Barselona” yozgi transferlar vaqtida o‘z safiga “Betis” yarim himoyachisi Gido Rodrigesni qo‘shib olishni rejalashtirgan edi.

Klub mutasaddilari tajribali o‘yinchini ham bu transferga ko‘ndirgandi. Lekin bu kelishuv barbod bo‘lish arafasida.

Mundo Deportivo nashrining yozishicha, “Barselona” Gido Rodrigesni o‘z tarkibiga qo‘shib olgan taqdirda ham moliyaviy imkoniyatlarning chegaralangani tufayli uni kelasi mavsum uchun qaydnomadan o‘tkazishni kafolatlay olmaydi.

O‘yin amaliyotisiz qolib ketishni istamatgan 30 yoshli tayanch yarim himoyachisi o‘ziga bo‘layotgan boshqa chorlovlarni o‘rganib chiqadigan bo‘ldi.

Gido Rodriges Argentina terma jamoasi a’zosi hisoblanadi. Ilgari yurtidan tashqari Meksikada ham o‘ynagan futbolchi “Betis”ga 2020 yili olib kelingan edi.