"Бавария" афсонаси автоҳалокатга учради

"Бавария" сафидаги ёрқин ўйинлари билан  танилган Франк Рибери автоҳалокатга учради. Бу ҳақда "Daily Mail"  нашри хабар берди.

Қайд этилишича, футболчи бош қисмидан жароҳат олган. Шундан сўнг у зудлик билан шифохонага олиб кетилган. 

Маълум қилинишича, воқеа якшанба куни тунгги соат 03:00да содир бўлган. Ҳозирда Франк "Салернитана"даги 2-3 учрашувни ўтказиб юбориши кутилмоқда.

Эслатиб ўтамиз, Рибери 2007-2019 йиллар оралиғида "Бавария" шарафини ҳимоя қилган.