“Бавария” "Барса" юлдузига харидор

Ўтган мавсумда ижара асосида ўйнаб, “Бавария”нинг барча турнирлар, хусусан Европа Чемпионлар лигасида ғолиб чиқишига кўмаклашган Филиппе Коутиньо яна Мюнхенга қайтиши мумкин.

“Барселона” раҳбарияти “Ливерпуль”га яна қўшимча бонус тўламаслик учун бразилиялик плеймейкерни ўйнатмоқчи эмас. Қолаверса, бош мураббий Рональд Куманнинг Коутиньога у қадар эҳтиёжи йўқ. Жамоа усиз ҳам яхши натижаларни қайд этмоқда.

Каталония клуби раҳбарияти захирада ўтириб, катта маош олаётган футболчидан тезроқ қутилмоқчи. Шу боис, улар Бундеслига гранди билан музокарага тайёр.

Шунингдек, Коутиньода Англияга қайтиб, “Эвертон”да тўп тепиш имкони ҳам борлигини унутмаслик лозим.