"Бавария" бунақа ҳолатга 10 йилдан буён тушмаган эди

Хабарингиз бор, “Бавария” кеча Бундеслиганинг 15-турида сафарда “Боруссия” Мюнхенгладбахга 3:2 ҳисобида имкониятни бой бериб қўйди.

Эътиборлиси, мюнхенликлар учрашувнинг 26-дақиқасига келиб, 2:0 ҳисобида олдинга чиқиб олган эди. Аммо мезбонлар супер камбэк эвазига ғалабани 3:2 ҳисобида ўз томонига оғдириб олди.

Gracenote Live нашрининг ёзишича, “Бавария” бундай ҳолатга сўнгги марта 2011 йилда тушган. Ўшанда немис гранди “Кёльн”га қарши ўйинда 2 та тўп фарқи билан олдинда бора туриб, якунда ютқазиб қўйган.