"Бавария" дарвозабон трансферини эълон қилди

Мюнхеннинг "Бавария" клуби 21 ёшли дарвозабон Йонас Урбигни "Кёльн"дан ўз сафига қўшиб олганини расман эълон қилди. Дарвозабоннинг янги жамоаси билан шартномаси 2029 йилнинг ёзигача мўлжалланган. "Трансфермаркт" маълумотларига кўра, трансфер суммаси 7 миллион еврони ташкил қилган.

"Бавария" дунёнинг энг катта клубларидан бири. Бу ерда бўлганимдан фахрланаман ва жамоа билан имкон қадар тезроқ танишишни орзиқиб кутяпман. Менинг мақсадим — ҳар куни ўзим устида ишлаш, профессионал жиҳатдан ривожланишда давом этиш ва Мануел Ноер бошчилигидаги дарвозабонлар жамоасида ўзимни такомиллаштириш," — деди Урбигни клубнинг расмий сайти орқали тарқатган баёнотида.

Жорий мавсумда Урбигни барча мусобақаларда 11 та ўйинда майдонга тушди, улардан икки ўйинни қуруқ ўтказди. "Трансфермаркт" порталига кўра, футболчининг бозор қиймати €3 миллионни ташкил этади.