"Бавария" ЕЧЛда рекорд ўрнатди

"Бавария" жамоаси ЕЧЛ 3-тури доирасида Австрияда "Зальцбург" меҳмони бўлди ва 6:2 ҳисобида ғалаба қозонди. Эътиборлиси, мюнхенликларнинг 6 голидан 4 таси учрашувнинг сўнгги 15 дақиқасида киритилди.

Шу тариқа, немислар ЕЧЛда сўнгги 15 дақиқада 4 та гол киритган илк жамоага айланди. Айни вақтда Ханс-Дитер Флик шогирдлари "A" гуруҳида 9 очко жамғарган ҳолда 1-ўринни эгаллаб турибди.