"Бавария" етакчиларидан бири "Ливерпуль"га ўтмоқчи

“Бавария” клуби раҳбарияти жамоа ярим ҳимоячиси Тиаго Алькантара билан шартномани узайтириш бўйича келишувга эриша олмаяпти.

Sport Bild нашри тарқатган хабарга кўра, 29 ёшли испаниялик футболчи ва мюнхенликлар ўртасида деярли келишувга эришилган эди. Аммо, у раҳбарият билан учрашгач, ўзининг жамоадаги келажагига шубҳа қила бошлаган.

Энди “Бавария”дагилар ҳам Тиагонинг клубда қолишига ишонмаяпти. Айрим хабарларга қараганда, Алькантара “Ливерпуль”га ўтмоқчи.

Тиаго Алькантара жорий мавсум Бундеслигада 24 та ўйинда майдонга тушди ва 3 та гол урди.