"Бавария" футболчиси АПЛга йўл олиши мумкин

"Бавария" клуби вингери Серж Гнабри фаолиятини Лондоннинг "Тоттенхэм" жамоасида давом эттириши мумкин. Бу ҳақда Sport Bild нашри хабар бермоқда.

Аввалроқ ОАВда "шпорлар" жароҳат олган Мохаммед Кудус ўрнига янги футболчи қидираётгани ҳақида маълумотлар тарқалган эди. Шунингдек, қишки трансферлар ойнасида жамоани ҳужумчи Бреннан Жонсон тарк этган.

Эслатиб ўтамиз, Гнабри 2012–2016 йиллар оралиғида Лондоннинг "Арсенал" шарафини ҳимоя қилган. Шундан сўнг у Германия чемпионатига йўл олган. Вингер 2017 йилдан буён мюнхенликлар сафида тўп тепиб келмоқда. Унинг амалдаги шартномаси 2026 йил ёзида ўз якунига етади.

Жорий мавсумда эса 30 ёшли футболчи барча мусобақаларда 25 та ўйин ўтказиб, 7 та гол ва 8 та голли узатмани амалга оширган.