"Бавария" футболчиси "Арсенал"га йўл олиши мумкин

Мюнхеннинг "Бавария" клуби вингери Серж Гнабри Англия Премьер-лигасига қайтиши мумкин.

Маълумотларга кўра, футболчига Лондоннинг "Арсенал" жамоаси қизиқиш билдирмоқда. Немис футболчисининг трансфери ёзда амалга ошиши мумкин.

Гнабри аввал ҳам "Арсенал"да ҳаракат қилган — у 2011–2016 йиллар оралиғида лондонликлар сафида ўйнаган. Бироқ шу вақт мобайнида у жамоа таркибида атиги 18 та учрашувда майдонга тушиб, 1 та гол ва 1 та голли узатма қайд этган.

2017 йилда эса у Бременнинг "Вердер" клубидан "Бавария"га 8 миллион евро эвазига кўчиб ўтган. Унинг амалдаги шартномаси 2028 йил 30 июнга қадар мўлжалланган.

Жорий мавсумда Гнабри барча мусобақалар доирасида 37 та ўйинда иштирок этиб, 10 та гол урди ва 11 та голли узатмани амалга оширди.