"Бавария" ҳужумчиси "Реал Мадрид"га таклиф қилинди

"Бавария" клуби вингери Лерой Саненинг шартномаси 2025 йил ёзида тугайди, аммо томонлар ўртасида шартномани узайтириш бўйича музокаралар ҳали олиб борилмаяпти. Агар келишув янгиланмаса, футболчи эркин агент сифатида жамоасини тарк этиши мумкин.

TodoFichajes нашрининг хабар беришича, Сане агентлари уни "Реал" Мадрид клубига таклиф қилишган. "Қироллик клуби" ҳужум чизиғини кучайтириш вариантларини ўрганаётгани ва Сане номзоди қизиқиш уйғотгани таъкидланмоқда.

27 ёшли футболчи бу мавсумда "Бавария" сафида 42 та ўйинда майдонга тушиб, 12 та гол ва 5 та ассист қайд этди. Унинг тезлиги, дриблинги ва универсаллик хусусиятлари мадридликлар учун жуда қизиқарли бўлиши мумкин, дея қўшимча қилинмоқда.

Шунингдек, хабарларда қайд этилишича, "Бавария" Сане билан шартномани узайтиришни хоҳласа ҳам, футболчи янги чақириқлар ва янги муҳитда ўзини синаб кўриш истагида бўлиши мумкин.