"Bavariya" Jeksonni o‘z safiga qo‘shib olmoqchi

Jurnalist Florian Plettenbergning ma’lum qilishicha, so‘nggi soatlarda "Bavariya" Jeksonning holati, jismoniy tayyorgarligi va transfer narxi haqida "Chelsi"ga rasmiy so‘rov yo‘llagan. Senegallik hujumchiga "Nyukasl" ham jiddiy qiziqish bildirmoqda.

Ma’lumotlarga ko‘ra, Jekson "aristokratlar"ni tark etishga yaqin. Unga bo‘lgan transfer narxi taxminan 65 million evroga baholanmoqda. Bundan tashqari, futbolchining xizmatlariga Ispaniyaning "Barselona" klubi ham qiziqish bildirib ko‘rgani haqida mish-mish xabarlar tarqalgan. Shuningdek, "Manchester Yunayted" ham futbolchi atrofidagi vaziyatni o‘rganayotgan edi.

24 yoshli hujumchi o‘tgan mavsum APLda 30 ta o‘yinda qatnashib, 10 ta gol va 5 ta assist qayd etgan.