"Бавария" Кейнни текинга қўлга киритмоқчи

"Бавария" Харри Кейн трансфери ўхшамаган тақдирда, бошқа вариантларни кўриб чиқади. 

Мюнхен клуби ҳамон англиялик ҳужумчининг трансфери борасида иш олиб бормоқда. "Бавария" уни бу ёзда қўлга кирита олмаган тақдирда, келаси мавсум текинга ўз сафига қўшиб олиш ниятида. 

Маълумот учун, аввалроқ мюнхенликлар Кейн трансфери муваффақиятсизликка учраса, Хулиан Альварес ("Манчестер Сити") ёки Душан Влахович ("Ювентус") каби ҳужумчиларни ижарага олиш вариантини кўриб чиқиши ҳақида хабар бергандик.