Мюнхеннинг “Бавария” клуби норвегиялик ҳужумчи Эрлинг Холанд учун курашга қўшилди. Бу ҳақда Daily Mail нашри хабар тарқатмоқда.

Юқоридаги манбага кўра, мюнхенликлар 20 ёшли “Боруссия” Дортмунд футболчисини 2022 йилнинг ёзида сотиб олишни кўзламоқда. Боиси, айнан 2022 йилдан бошлаб Холанднинг шартномасида белгиланган товон пули кучга киради. “Бавария” уни жамоанинг 32 ёшли тўпурари Роберт Левандовскига муносиб ўринбосар сифатида қарамоқда.

Бундан аввалроқ Эрлинг учун “Манчестер Сити”, “Манчестер Юнайтед”, “Реал” ва “Барселона” жиддий кураш олиб бораётгани ҳақида хабарлар тарқалган эди. Ушбу жамоалар Холандни жорий ёзги трансферлар давридаёқ ўзиники қилиб олмоқчи.

Эрлинг жорий мавсум “Боруссия” Дортмунд сафида жами 33 та ўйинда майдонга тушди ва 32 та гол уришга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар