"Bavariya" "Manchester Siti" himoyachisini o‘z safiga qo‘shib olmoqchi

"Manchester Siti" himoyachisi Jon Stounz faoliyatini "Bavariya" safida davom ettirishi mumkin. Bu haqida jurnalist Kristian Falk xabar bermoqda.

Manba ma'lumotiga ko‘ra, myunxenliklar ingliz futbolchisi bilan shartnoma imzolash variantini ko‘rib chiqmoqda. Chunki Jonni "Bavariya" jamoa bosh murabbiyi Vensan Kompaning shaxsan o‘zi tarkibida ko‘rishni istayapti. Stounzning "Siti" bilan amaldagi shartnomasi joriy yilning yoz oyida yakuniga yetadi. 

Eslatib o‘tamiz, 31 yoshli futbolchi 2016 yildan beri "shaharliklar" safida harakat qilib kelmoqda. Shu davr mobaynida himoyachi 290 ta uchrashuvda maydonga tushib, 19 ta gol va 9 ta golli uzatmani o‘z nomiga yozdirib qo‘yishga erishgan.