“Бавария” Нойер билан шартномани узайтиришни истамоқда

"Бавария" Мануэль Нойер билан шартномани узайтириши мумкин.

Журналист Флориан Плеттенбергнинг маълум қилишича, дарвозабон янги келишув имзолашни истайди, унинг агенти эса мюнхенликлар билан дастлабки музокараларни ўтказган.

Манбага кўра, “Бавария” Нойерга 2027 йилгача мўлжалланган янги шартнома таклиф қилмоқда. Бироқ ҳозирча тўлиқ келишувга эришилмаган.Шунингдек, келаси мавсумда унинг ўринбосари Йонас Урбигга кўпроқ ўйин амалиёти берилиши кутилмоқда.

Маълумот учун, германиялик посбон жорий мавсум барча мусобақаларда 35 та ўйинда иштирок этган. Урбиг 16 та учрашувда майдонга тушган, яна бир ўйинда эса Свен Ульрайх ҳаракат қилган.