"Бавария" португалиялик ярим ҳимоячини нишонга олди

Лондоннинг "Фулхэм" клубида ҳаракат қилаётган 27 ёшли ярим ҳимоячи Жоау Палинья фаолиятини Германия Бундеслигасида давом эттириш имкониятига эга. Унга "Бавария" қизиқиш билдирмоқда. Бу ҳақда "Todofichajes" нашри хабар берди.

Футболчи учун баҳсда Мюнхен клубининг рақиблари "Манчестер Юнайтед", "Ливерпуль" ва "Арсенал"дир. Португалиялик хавбекнинг трансфер нархи 35 миллион еврога баҳоланмоқда. Палиньянинг лондонликлар билан шартномаси 2027 йилнинг ўрталарига қадар тузилган.

Маълумот учун, Жоау жорий мавсумда АПЛ доирасида 30 та ўйинда майдонга тушиб, 3 та гол урди ва 12 бора шерикларининг голига муаллифлик қилди.