"Бавария" президенти: Биз Суперлигага қизиқмаймиз, 2022 йилдан кеч қолмай, ЧЛни ютамиз!

"Бавария" президенти Герберт Хайнер "Реал" клубининг президенти Флорентино Перес маълум қилган ғоя, яъни Суперлига ташкил этилиши борасидаги таклифга фикр билдирди.

"Биз, ҳеч қандай "агар" ва "лекин"сиз Бундеслига тарафдоримиз. Биз Суперлига ғоясига умуман қизиқмадик, буни ишонч билан айта оламан.

Албатта, "Бавария" халқаро ютуқларга эришишни хоҳлайди, аммо бунинг учун Чемпионлар Лигаси бор, бу менинг фикримча муваффақият тарихини ўзида акс эттиради ва ўз форматида жуда ишончли," - деди Хайнер.

Шу қаторда, Хайнер "Бавария"нинг ЧЛдаги ғолиблиги борасида гапириб ўтди.

"Бу 2022 йили Мюнхенда бўлиб ўтадиган финал ўйинидан кечга қолмайди," - деди Хайнер.