Husanovga g‘alabali o‘yindan keyin necha ball berildi?

«Manchester Siti» Angliya chempionati — Premier-liga ikkinchi turi doirasida safarda londonlik «Kristal Pэlas» ustidan yirik hisobda g‘alaba qozondi va qatorasiga ikkinchi g‘alabasini nishonladi. 

Uchrashuv 4:1 hisobi bilan «Siti» foydasiga yakunlandi. Hisob 17-daqiqada Erling Holand tomonidan ochildi. Tanaffusdan keyin «Manchester Siti» ustunligi yanada oshdi: Rayan Sherki 54 va 59-daqiqalarda ikkita supergol urib, dublga erishdi.

56-daqiqada standart vaziyatdan yo‘llangan zarba darvoza to‘sinidan qaytdi va darvozabon Janluiji Donnarumma orqasiga tegib, to‘p «Siti» darvozasiga kirib ketdi  — bu epizod avtogol sifatida qayd etildi. 

84-daqiqada o‘tgan mavsum to‘purari Erling Holand yana bir bor raqib darvozasini ishg‘ol etib, uchrashuvdagi hisobni o‘rnatdi — 4:1.

O‘zbekiston terma jamoasi himoyachisi Abdukodir Xusanov ushbu bahsni «Manchester Siti» tarkibida asosiy tarkibda, o‘ng qanot himoyachisi sifatida boshladi va 89-daqiqada maydonni tark etdi. Statistik platforma Flashscore uning o‘yini 7,0 ballga loyiq ko‘rildi. 

Ta’kidlash joizki, manchesterliklarning yangi murabbiyi Enco Mareska 22 yoshli o‘zbek futbolchisiga alohida ishonch bilan qaramoqda. Italyalik mutaxassis Abdukodirning universal xususiyatlarini inobatga olgan holda rasmiy uchrashuvlarda uni ikki pozitsiya himoya markazi va o‘ng qanotida o‘ynatib kelyapti. Doim boshlang‘ich tarkibda maydonga  tushirmoqda. 

Eslatib o‘tamiz, Enco Mareski boshqaruvidagi jamoa avvalgi turda «Bornmut»ni 2:1 hisobida mag‘lub etgan edi va o‘sha bahsda himoya markazida o‘ynagan Abdukodir Xusanov Flashscore ekspertlari tomonidan 8,2 ballga baholangan va bu jamoadagi eng yuqori ikki ko‘rsatkichdan biri bo‘lgandi. 

Ikki turdan so‘ng «shaharliklar» olti ochko to‘pladi. Keyingi o‘yinni «Manchester Siti» 5 sentabr kuni Toshkent vaqti bilan soat 19:00 da o‘z maydonida  liga debutanti «Koventri Siti»ga qarshi o‘tkazadi.