«Бавария» ва «Аякс» Кениянинг янги миллий стадиони очилиш ўйинида майдонга тушади
«Бавария» ва «Аякс» 2027 йил 5 январь куни Кенияда янги миллий стадион очилишида ўртоқлик ўйини ўтказади.
«Бавария» ва «Аякс» ўртасидаги ўртоқлик учрашуви 2027 йил 5 январь куни бўлиб ўтади. Мазкур баҳс Кениянинг янги миллий стадиони очилиш ўйинига айланади. Бу ҳақда «Аякс» расмий сайти хабар берди.
Қайд этилишича, Чемпионлар лигасининг олти карра ғолиби «Бавария» ҳамда ушбу мусобақада тўрт марта чемпион бўлган «Аякс» ўртасидаги учрашув Шарқий Африка учун йирик футбол воқеаси, Кения учун эса қитъа чемпионатини қабул қилиш йўлидаги муҳим қадам бўлади.
60 минг томошабинга мўлжалланган стадион 2027 йилги Африка Миллатлар кубоги учрашувларига мезбонлик қилади.
«Аякс» вакиллари стадион очилишига таклиф этилганидан фахрланишларини таъкидлашди. Мичел Санчес бошчилигидаги жамоа учун ушбу баҳс мавсумнинг иккинчи ярмига тайёргарликнинг якуний босқичи бўлади.
Изоҳлар (0)