"Бавария" вингери Олисе "Ливерпуль"га ўз шартини қўйди

"Бавария" ярим ҳимоячиси Майкл Олисе Англия Премьер-лигасига қайтиши мумкин.

Indykaila News маълумотига кўра, франциялик футболчига "Ливерпуль" қизиқиш билдирмоқда. Футболчининг вакиллари "қизиллар"га трансфер амалга ошиши учун жамоа жорий мавсум якунларига кўра Чемпионлар лигасига йўлланма олиши кераклигини маълум қилган. Айни пайтда "Ливерпуль" АПЛ турнир жадвалида 5-ўринда бормоқда.

Майкл Олисе 2024 йилда "Кристал Пэлас"дан "Бавария"га 53 миллион евро эвазига ўтган. Унинг шартномаси 2029 йил 30 июнга қадар мўлжалланган.

Жорий мавсумда ярим ҳимоячи мюнхенликлар сафида барча мусобақалар доирасида 39 та ўйинда иштирок этиб, 16 та гол ва 27 та голли узатмага муаллифлик қилган.